by Marwo SAHRA SH.CILMI(Barkhadle)


Buraanburkan Qiimaha weyn leh.Xikmad iyo Nuxurka Wadaniyadeedka Xambaarsan waxaa Tirisay Muwaadinad Somaliyeed ku caan ah Dareenka nool,Damiirka iyo Qiirada Wadaniyadeed-Marwo-SAHRA SH.CILMI oo ka dhiidhiday kana gubaneeysa Xaalada Dalkeena Hooyo Waqtigan ku Sugan yahay,Tacadiyda,Xasuuqayad iyo Fara-Xumeeynta Haweenka Somaaliyeed,Bara kicinta Bulshada Rayidka ah oo eey Habeen iyo Maalinba geeysanaayaan Gumeeysigga iyo Kuwa Shaqaalaha u ah(maryo calasta ah).

Sahro waxeey dhiiri gelineeysaa Ummada Somaaliyeed oo Cudurka Qabyaalada ,Qabqablle u hiilinta,kala Qeybintu Halkaas dhigtay,Maanta ku jira Gacanta Gumeeysiga Madow Wayaanaha Injirleeyda ah iyo Qaba-qaadyada Dowlad ku Sheega ah,Gun-nimadda Doortay,Karaamada iyo Xurmadda Magaca Somaaliyeey ceebeeyeey-Maxaabista Baydhaba ku Bahdilan-Marwo Sahra Mahadsanid-Ummada Somaliyeedna Weey ku Tusaale qaadan doonaan Buraanburkaaga Qiimaha weyn,Dalka Hooyo dib ayuu u hanaan Xoriyad Buuxda iyo Helidda Dowlad Cadaalad leh iyo Hogaan Geesi ah,Daacad ah,Diinta iyo Dalka Difaaca,Dadkana Daryeela-Inshaa Allah.

http://www.youtube.com/watch?v=yxsHZYbJczs

Buraanburkii Abwaanadda-Sahra Sh.Cilmi:-


1.salaan macaanoo sareeyso sadriga ka timid, saluug lahayn baan dhamantina idinka simay.

2.bisinkaan ka bilaabayaa baaqi ina faree, ee burburka nagu dhacay rabiyo waa mid baaxad wayn, oo beeshii caalamkuna bushimahay naga xirteen, ee birmad xagaagaa ilaah baaqiyoow na sii.(aamiin).

3.adaan kuu cabanayee caadilow ilaah, qofkii aad caawintaan rabin cudud kalee, ee culayska nala dagay ilaah caadil naga dul qaad, oo culayska nagu dagay rabiyow caadil naga dul qaaaaaaad.

4.dambiyadii aan galnaa keenay daqaradee, oo dibin daabyadaan wadnaa keenay daqaradee, oo diinta aan daayacna keentay daqaradee, war cafis ilaah doona oo daa,im wada baryooooy.

5.jihaadka ragaa ku jiroo jidda hore fadhiya, oo janada rabbi tiigsanaayow ha joogsanina, ilaa janankooda lagu jiido jidadka xamar, oo tigreeguna wada jaboo jaanta wada rogaaaan.

6.hadaad is gaashan sataan gaalka gaamuroow, nagama guulaysataan goobta layku helo,amxaarka waa gubi naqaan guusha waan helaa ,waa ragaad garanaysid iyo geesiyada la hubo, godeey kugu geeyey orod meelahaad garee, oo guluf colaad kiciya meeshey mar soo galaan, guluf colaad qaada meeshey mar soo galaan, ee melez garaad laawe colaadaad la gaardinee, armeey gaartaayo geeskoo dhan wada gubtaa.

7.amxaarku nama soo abaareeno waa ogyahay, addis inaan orod ku geeynayno waa ogyahay, inaan ka adkaano eryoonayno waa ogyahay, ee ameericaa noo afduubaysa waa ogyahay, eedna inay naga galeen waa ogsoonyihiin.

8- hadaadan weer weerin oo aadan weero xiran, hadaanad waagii baryaba waawarayda hayn, oo weerar joogtaa haddan waaaagu kuugu barin, wareerka kugu dhacay haddan washinton la gayn, warka laga tabiyo wariye yaashu aysan qorin, wadanka uma dhalanin wacadkiina waan ka baxay.

9.amxaarkaan colownay ninkii ceersi moodayoo, cudud u hoos joogbaa cawa igala daran, cudud u hoos joogbaa maanta ila cajaba,inuu ku cunaayo adna wa cadan la hubo, ee ilayn cabdulaahiyoow ceebi kuma kartaba, war ciida haku caasine caadilkay u noqoo

10.hadaad cabdulaahiyoow dacad noqonlahayd, laguma diideene daar baan ku geynlahayn, duleedka baydhabo tigreega ma daba gasheen, ee adaa doortaye madfaca iska dul jooooooog

11.amxaarku cadow weeye ninkii ceersi moodayoow, ee mideeya cududiina calankiini soo celiya, oo calamkii nala yaabyayee mayra ceebta taal.

12.calanki oo cabanayoo ciil qabaa i yiri, cuqaashii meeday iyo ciidankaan lahaa?.

13.calankii iyo ciiddi hooyon ku cayshnayow, ha ciil kaanbiyin wali caymo waa jirtaa, curadyadaan kuu kacaa kuula tagan cudud, cadowga kaa caabinaayoon cabsina ku jirin, ee cisadii aad lahayd rabbigeey ha soo celiyo.aaamin.

14.calanki iyo ciiddi hooyon ku cayshnayoow,hadal aan celin waayey ban ku cadeynayaa, ee cudud waxaan tari kariyo cood waxaan hayaba, inaanan kugu ciilin baaan kuu cadaynayaa, oo aan kugu caawinaayaan cadaynayaa, oo aan kugu caawinaayaan cadaynayaa, cadowga wax ka caabinaayaan cadaynayaa, ee buluugloow caalnkayagiiyow carshiga ka nuuuur.AAAMIN.

15.ma wada sheegi karo shaqsiyaadka magaca dheer, ee sheikh shariif iyo nimankii asmara ku shiray, sharaf ineey leeyihiin shaahid ban ka ahay, ee sharaf ineey leeyihiin yaa shakaali karo?.

16.shacabkii soomaaliyeed oo shidada ku jiray, oo shaniba meel aaday dhaqso waa iyagii shukriyey, oo shahuur bila dhawra baa uunki wada shukriyey ee sharaf inaad leedihiin shaahid baan ka ahay, runta inuu sheego buu sheekhu caan ku yahay, oo diinta inuu shaaciyuu sheeku caan ku yahay,ee sharaf inaad leedahay shaahid baan ka ahay.

17.mawada tiirn karo waxaan tiigsanayo e, walaalkeey tarzan baan siinayaa tixdaan.

18.tiir dhexaad weeye ummaduu u taagan yahay, tabaalada kuwa qabo buu u taagan yahay, gumaysiga inuu tirtiro buu u taagan yahay, tigreeguna naga tagaan buu u taagan yahay, oo tacadigaan nagu dhacayuu u taagan yahay, inuu tabiyoo adduunko dhan wada tusaa, oo taar qabadsiiyo buu noogu taagan yahay,ee tajki booqrtooyadaan tarzan kugu xirnee, inaad taariikh ka tagayso taaaaas ogooooooow.

19.wiilal tolmoon oo tiirar ah ban qabnaa, sidii xasan turki iyo mansuuron lataaban karin ,taliye cayroona isgaan ku taaganahay, maray tabiyaan jihaad tiicyey cadawguye, anna markaas baan farxad taam ah aan helaa, Halyeeyga Shariif,
Hogaanka Ururkeena Alloow Noo Illaali-Aamiin.

20.war intaan isheefeynay ummadii ka hoos marne, oo intaan in heefayna uunki horuu maree, ee haybta baaseed wadaan maad isga hartaan, oo hadalka beenta wadaan mad isaga hartaan,oo gumaysiga haysta dhulkiina u hawl gashaan, colkaan soo wada hayaamay u hawl gashaan, inay huleelan hungoobaan u hawl gashaaaaaaan.

21.damac nin uu keenay waa daacufloow Amxaar, ee dacar ma leefteen adaa diiday nabadiye, oo darsin malagu siiyey hadaad diday daris wanaag,oo dab aadan ka fiirsan holaciisi dalaq ma tiri, ee adaa doqonoobayee soomaali waa dadkii, ee miyaa kala daadsananteena lagugu dagay, war dagalka anigaa lehee taas dubaakha gali.

22.dhinac u wada duula deef baa na gaartaye, sow kuwa dadkiini daleeshaa cidlaa fadhiya,oo sidii duur joogta daliishaa cidla fadhiya, oo dalkoodi amxaarku ku dakaynaayo oo dib jira miyaadna damqaynina oo diir naxaba lahayn?.

23.ajal dhamaataad wadaa joog Amaxaarkanoow, addunyadoy wada ogoow joog amxaarkanoow, ameericaa ugu afdheer gaaladaan arlada, oo argagixisada ugu afdheer gaaladaan arlada, ee ameericaay joogi amxaarkaad abaabulee, oo mareekaneey joogi aad aaladaada siiin.

24.annagu diin awood leh ilaah baynu haysanaa, oo islaanimo wayn ashahaadadan qiraa, oo allahu akbar markaan iraah waan eryaa Amxaaaaar.

25.nimanka cadaw keenay miyaa ceersi laga sugaa, oo waliba kala culusee amxaarkaas kenay ciidii Dalka Hooyo.

26.aynigaa lama baryo gaal itaal darane, adoo ka soo jeeda soomaali isir wanaag, adduunkuna wada ogyahay geesi oday ahi dhalay, maxaa arxan laawe amxaarkaana idin ag dhigay.

27.wax wada qaybsada wadadnkiinu waa qaniye, oo qabiilka naga dhaafa isagaa na qaybiyee, oo qilaafka naga daaya isagaa naqaybiyee, oo qoontii aan wada daweynee quluubta fura, oo qoomameeyo qaladkiinni wadar u saxa, oo qaadirow adigu quwadaada nagu mideeeeee.aamiin.

28.qarankii soomaaliyeey sow qabiil mu dumin, qabkii lagu faani jiray qiimahii ma lumin, war qaaradihii dunida magaciinni quursi noqoy, oo qaaradihii dunida magaceeni quus ka noqoy, ee waa qoomamo iyo ciile soomaaliyeey is qabo, oo Qiimaha Qarankee gartoo soomalay is qabo.

29.barwaaqadii waddanka taala la boobaya,oo badihi macdantii ka buuxdaa la boobayaa,badartan loo kala galaayaa la boobaya, ee baylah noqoyee wadankeenni soo birmada, oo baylah noqoyee wadankaan u soo birmada, mise baryada duul kaleetad ka door bideeen.

30.dhul wada hoobaan ah ban heedhe wada qabnaa, waa dhul wada hoobaan ahoo geelu noo harsado, haldhaa gabdhaad moodid baan heedhe wada qabnaa, oo halyeeyo wada wiilal ah baan heedhe wada qabnaa, ee nimanka u hibeeyey amaxaarkaa laabtu ila hureeeeeeeeeee.

31.markii aan is wada dilnaa san u dabar go'nee, dulimigii uu nagu bataan san u dabar go,nee, oo xaqii la duud siyey ayaan saan u dabar go,nee, oo diintii aan daayacnaa saan u dabar go,ne, war caana daataba dabaadigaa la caymiyaa, ee intaan lagu diimin magaceenna daba qabtooooooooy.

32. mala awaal maahan hadakayguye maqloooy.magac u yaal dawladaan ban mid oranayaa,masaakiin shacab ha laysaan mid oranayaa, amxarka u madiiidinkaa baaan mid oranayaaaaaaaaaaaaa.

33.war mushkiladaan raagtayoo gaartay meesha wayn, wixii hore mayra oo caynsha maatidee, ama mas,uul lama noqdee keena magacayaga, oo aydan na mideeyn karaynina dhiga magacaya.

34.qaxootigaan dhoobanoo sii hayaa dhabada, oo aan laga dhiidhiyeen sow dhag xumo ma ahan?

35.dhalaankaa wada dhiig baxaayoo dhamaanayana, oo aan laga dhiidhiyeeen sow dhag xumo ma ahan?

36.dhag xumidaan nagu dhacaysoo la dhawranaa, oo an laga dhiidhiyeen sow dhag xumo ma ahan?

37.anigu dhakafaaray soomaali yeyna dhalay?dhaga adaygiinna baa meesha ina dhigee, bal dhulkaan yeey noo dhisaayoo la dhawrayaaaaaa?

38.hablihii soomaliyeedow hurdada ka kaca, horseedo nabad hilinkiina muujiyoo,u hiiliya maanta calankiinna hoosta galay, hujuumo cadowga injireey habaaar ku gura

39.hadaan qaadqaday qaladkeenni wuxuu ka yimid, oo soomali kala qaybiyaan qiixayaa maqlooooooy.

40.waa quursiga reer hebel quursna kan kale, oo qaadirkay diidy qurankisa noogu sheeeeeeeeeeeeeeg

41.danayste midaan ahayn doolar raadinayn , dadkiyo dalka caymiyoo doora raadiyoo,colaada naga damiya oo doora radiyoo,oo diinta nagu dhaqahayana doora raadiyoo,dooda aan soo dabree dooorka raadiyooooooy,ooo dooda naga soo dabroo doorka raadoyooooooooy.

42-intaan kala qaybsanahay oo qaarba meel jirna,oo aydan quwadiina midaynaynin kala qoqoban, inaan qabaanownay soomaaliyeey qirtay,oo aan qabanownay baan soomaaliyay qiraa, oo qayrkeen aan ka hoos marnaa somalay qiraa,maxaa idin qadayoo qiiradii la tagay,ma qalbi jabkaan baan ku jirin qaadi waagan baaaaas.

43.hadaan dhuray oon dhuroo dhiibay waano dheer ,oo dhigdhigay aan kala dhigdhigay oo wax aanan dhimin ,oo aydan dhaadaynin misna sow dhib wayn ma ahan?dhagax dixeed wada tihiin sow dhib wayn ma ahan?bal maxaa idin dhiman maxaydeen dhamaystiraa???????????

44.anigoon soo tuugsan tobol caaro aan ku darin ma idin taabsiiyey hadal toosan oo wax taraaaaaaaaaa.