Dahabshiil-Gif
 
|

Ra’iisul Wasaare Cabdiweli “Caddaladda Waa in la gaarsiiyaa Goboblada Dalka.Sawiro

Ra’iisul Wasaaraha Xukuumadda Federaalka ah ee Soomaaliya mudane Cabdiwali Sheekh Axmed Maxamed ayaa maanta xarunta Wasaaradda Cadaaladda iyo Dastuurka  ka furay simnaar aqoon kororsi ah oo loo qabanayey Shaqaalaha Wasaaradda, Siminaarka ayaa waxaa ka soo qayb galay kaabayaasha Garsoorka, sida Ciidanka Asluubta, Garyaqaanada, Nootaayooninka, iyo Garsoorayaal.IMG_9437 IMG_9469 IMG_9501 IMG_9504 IMG_9509 IMG_9510

Wasiir ku xigeenka Wasaarada Caddaaladda iyo Dastuurka mudane Cabdullahi Bille Nuur ayaa ugu horayntii ka warbixiyey ahmiyada uu leeyahay Siminaarkaan shaqaalaha Wasaaradda si kor loogu qaado xirfada shaqaalaha, waxaana wasaaraddu diyaarisay qaab dhismeed uu shaqaalaha Wasaaradu ku dhisan yahay si loo hormariyo habsami u socodka shaqada Wasaarada, qof walbana lagula xisaabtamo shaqadiisa.

Sidoo kale wasiirka Wasaaradda Caddaaladda iyo Dastuurka mudane Faarax Sheekh Cabdulqadir ayaa dhankiisa sheegay in culays weyn uu ka jiro dhanka garsoorka, ayna jirto baahiyo badan oo shacabku u qabaan inay helaan garsoor Caddaalad ku dhisan.

“Labadii bilood ee ugu danbeeyey Wasaaraddu waxay ku howlanayd sidii kor loogu qaadi lahaa aqoonta shaqaalaha iyo diyaarinta agabkii ay ku howl gali lahaayeen, waxaana wasaaradu markii ugu horaysay mudooyinkii ugu danbeeyey dib u dhis ku samaysay iyo qalabayn xafiisyadii Wasaaradu lahayd. Garsoorka waxaa naga haysta culays faro badan oo ka imanaya bulshada qaybaheeda kala duwan, xalna looma heli karo hadii aan la siin tababaro shaqaalaha Wasaaradda” ayuu yiri Wasiirak Cadaalada iyo Dastuurka

Dhanka kale Ra’iisul Wasaare Cabdiwali ayaa sheegay in baahida ugu weyn oo ay maanta qabaan shacabka Soomaaliyeed ay tahay sidii muwaadin kasta u heli lahaa Garsoor ku dhisan caddaalad.

“Ahmiyada caddaladdu u leedahay bulshada waa mid ku dhisan noloshooda, waana mid qayb weyn ka qaadan karta nabadgalyadda, horumarka dhaqaalaha, iyo kalsoonida bulshad dhexdeeda, hadii garsoor la waayo waxaa hubaal ah in sida loo kala xoog badan yahay laysku muquuniyo, si aan uga baxno dhibaatooyinka dalka la degay waxaa laga maar maan ah in caddaladii dib loo soo celiyo” ayuu yiri Ra’iisul Wasaare Cabdiwali

Ugu danbayntii Ra’iisul Wasaaraha ayaa sheegay in caddaladdu ay kor u qaadayso kalsoonida ay shacabku ku qabaan dowladnimada, loona baahan yahay dadka ku howlan arrimaha caddaaladda in la tayeeyo aqoontooda is loo helo garsoor ku dhisan caddaaladda, waana inaan dhexda u xiranaa sidii aan u heli lahayn garsoor hufan oo dadku ku kal soonaan karo.

—DHAMAAD—

Diraac Salaad Fagaase

Communication Director Office of the PM

Mogadisho-Somalia

Media@opm.gov.so

You must be logged in to post a comment Login

www.codkamudug.com | Somalia news, Kenya news, Uganda news, ethiopia news, Galmudug news, somaliland news, Puntland news